Anseo i lár an Ghleanna

Bhí an tAifreann léite is gach rud déanta,
Bhí pobal Dé ag scaipeadh
Nuair chualamar gleo ag teacht 'nár dtreo
Anseo i lár an ghleanna.

"Cén gleo é siúd ag teacht 'nár dtreo?"
"Sin torann cos na gcapall."
"Seo chugainn saighdiúirí airm an rí
Anseo i lár an ghleanna."

Do chas an seanfhear Brian Ó Laoi
Is shiúil i dtreo an tsagairt, (This is written in book as "Is shúil  
i dtreo ag tsagairt,")
Is chuir sé cogar ina chluais
Anseo i lár an ghleanna.

"Ó a Athair Seán, Ó a Athair Seán.
Seo chugainn na cótaí dearga;
Ní féidir leatsa teitheadh anois
Anseo i lár an ghleanna."

"Tá tusa óg, a Athair Séan,
Táim féin i ndeireadh beatha;
Déan malairt éadaigh liom anois
Anseo i lár an ghleanna."

Do deineadh malairt gan ró-mhoill
I gcoinne toil an tsagairt,
Is shíl sé deora móra bróin
Anseo i lár an ghleanna.

Do ghaibh na Sasanaigh Brian Ó Laoi,
Is d'imigh saor an sagart;
Do chroch siad Brian ar chrann caol ard
Anseo i lár an ghleanna.

Ach mairfigh cáil an tsean-fhir áigh
Fad fhásfaidh féar ar thalamh;
Beidh a scéal á ríomh ag fearaibh Fáil,
Is anseo i lár an ghleanna.

              Seán Mac Fhearais